Back Ureueng Acèh ACE أتشيهيون Arabic اتشيهيين ARZ Orang Acéh BEW Achinesen German Acehnese people English Aceh (etnia) Spanish Acehilaiset Finnish Acehnais (peuple) French Suku Aceh GOR
Tinaru Acheh (Akhir, Achin, Asji, A-tse om Atse) nopo nga iso ngaran tinaru mantad hilo dohuri koributan Pulau Sumatra ii no tu provinsi Aceh i kiugama Islam. Tulun Acheh nogi nga haro piiipiro ngaran suai miagal ko' Lam Muri, Lambri. Boros tina i gunoon diolo sangangadau nopo nga Boros Aceh i haro piromutan miampai rumpun Boros Malayu-Polenesia Kotonobon miagal ko' Boros Cam i gunoon do tulun Campa id Kemboja om Vietnam. Tulun Aceh nopo nga mantad mogisuusuai tinaru i poingion id tanah Acheh. Piromutan piisaan koubasanan tulun Aceh loolobi no id suang tugama om kaadat-adato. Tumanud anggaran Biro Pusat Perangkaan Kerajaan Indonesia toun 2010, ginumu suku Aceh nopo nga korikot do 3,526,000 om kogumuan nopo dii nga poingion id Provinsi Aceh, Indonesia. Sabaagi pomoruhang kumaa Indonesia, kiwaa ogumu minoriti diaspora Aceh id Malaysia, Australia , Singapura , Jerman , Kanada , Amerika Syarikat , Eropah, Arab Saudi, Paraguay om pogun ngaawi id Skandinavia .